Cow Brand

牛乳滋潤香皂(玫瑰花香)

呢款梘喺日本cosme排行榜係長期高踞榜首，
甚至引來好多日本女仔喺Instagram上面hashtag 「#赤箱女子」，
原因就係因為呢款紅盒 （=赤箱）梘係公認無論用嚟沖涼定洗臉都表現優秀！
而佢嘅價錢都只係港幣8蚊一舊，
當然要買嚟試下啦！
100g嘅淨重、長方形、白色，
呢啲都係番梘嘅「標準」，
佢聲稱係有薔薇花香，
我聞唔出，
個人對佢嘅香味冇好感或者反感。
佢嘅起泡力其實係冇我想像中咁好，
但保濕度真係好好，
洗得乾淨但唔會緊繃，
即使喺冬天都依然夠潤，
可能係因為佢用咗傳統嘅「釜炊」方法去製梘，
仲添加咗保濕成分「角鯊烷」，
確實係無論清潔力同保濕力都好好！
但老實講如果要揀一舊平價又好用嘅梘，
我會傾向揀平過佢又起泡多過佢嘅花王White番梘，
未必會回購。