Cyu礦泥潔面乳 心得評價
b.glen礦泥潔面乳
b.glen
礦泥潔面乳
5.5
心得評價:94 篇
容量/價格:150g / HK$309
看產品及心得
Cyu
年齡26膚質油性肌心得篇數2
4
2021.09.13 發表
b.glen嘅產品呢我就第一次用,而今次試用佢地既「礦泥潔面乳」,用後感覺尚算唔錯。

我嘅膚質係混合偏油性肌,可以乾到甩皮但仲係成面油,而我男朋友就係極容易敏感既油性肌,基本上除咗水放上面其他都會出現或多或少不適的狀況。

呢隻b.glen既礦泥潔面乳,質地不黏稠,不算易起泡,所以用既份量都大約要有5毫大小可以洗到成塊面。

呢款洗面膏表現有好有唔好。先來講啲好嘢。

第一,用第一次呢就已經感受到佢能夠輕輕去除到我哋面上嘅角質, 令膚質變得細滑。

其次係佢用完之後面上沒有出現崩緊的情況,算係有清潔亦同保持面上水份做到一個平衡,亦都幫助我油性肌膚唔會因缺水出更多嘅油。所以相信中性肌膚或乾性肌膚嘅人士都應該適合使用。

對於敏感肌來講,我男朋友表示沒有‘吉’或‘乸’既感覺,所以可以一試。

好嘢講完而家講吓啲未咁理想嘅問題。佢絕對唔可以當左一支卸妝洗面膏用,如果你只卸防曬,我相信應該冇問題,但如果你畫多咗條眉,你洗幾次都未必能洗淨曬。

同埋當頭一兩次用的時候,我同男朋友都出現一啲暗粒,我男朋友就決定停用,而我繼續用落去呢個問題都冇再繼續出現,相信應該係個別例子,但俾個心理準備大家亦都有機會發生。

總結一下啦,呢款洗面膏都算適合任何膚質嘅人試用。適合平日唔化妝嘅日子或者在化妝的日子搭配卸妝油使用。毛孔潔淨方面配搭洗面機使用效果更顯著。是一款各方面都幾平衡嘅潔面乳。
L
o
a
d
i
n
g
.
.
.