OLAY

PROX 亮潔晳顏淡斑精華 (新升級抗氧淡斑精華)

價格 ★ ★ ★ ★ ☆
亮膚 ★ ★ ★ ★ ☆
淡斑 ★ ★ ☆ ☆ ☆
清爽度 ★ ★ ★ ☆ ☆
先黎講吓 PROX by OLAY抗氧淡斑精華既樽身設計 ，泵頭型設計 ，可以保持到護膚品嘅新鮮度 又十分之衛生 。 精華液質地濃厚，但延展 性十分好，亦非常容易吸收，大約半泵就可以搽 勻 成塊面 。對於我呢啲混合性偏油 嘅膚質 ，夏天用都唔覺得黏笠。用完即刻有提亮既效果，有一定的保濕程度 ，搽完毛孔會脹卜卜返 ，紋路亦都冇咁明顯 ，而且呢款精華液入邊 冇酒精冇香料冇防腐劑 ，容易敏感嘅皮膚都好啱用 ，冇負擔 。

短時間內淡斑功效唔算特別明顯 ，係意料中事 ，希望長期用落去會有改善 。 而改善泛紅 ，提亮膚色，抑壓黑色素變深，呢幾方面都有做到 。

另外，呢款精華液唔會起擦子膠碎 ， 搽完 PROX by OLAY抗氧淡斑精華再上妝，完全冇同粉底液打交，亦都完全唔會影響妝效持久度。

總括而言 ，以呢個價格 做到膚色均勻提亮，有一定保水，能改善泛紅 ，又做咗抑制黑色素，效果已經相當令人滿意，十分推薦大家一試 。