b.glen

礦泥潔面乳

感謝@cosme 抽中我，可以試用+同大家分享b.glen 礦泥潔面乳用後感。
1️⃣首先講講品牌方對產品的特色描述：
- 含天然蒙脫土礦泥粉，可吸附毛孔底層髒污，有效去黑頭粉刺
- 含5種美容保濕成份，可以深層清潔而同時保濕
- 膠狀質地，非起泡

2️⃣再同大家分享本人用後感 (油肌，毛孔粗大)礦泥潔面乳質地呈乳白色gel狀，每次洗濕塊面後，唧出車厘子大小嘅潔面乳喺手，唔需要打出泡泡，就可以上面輕輕按摩，再將臉部洗乾淨就可以。

跟著再同大家分享用後感：第一次用確實唔慣，因為見到Gel狀、唔起泡，就會質疑洗得乾唔乾淨。但其實擔心係多餘，因為你會見到潔面乳雖然唔起泡，但因為質地呈gel狀且易推，輕輕就可以推勻按摩全塊面，而蒙脫土礦泥就可以發揮作用，吸附面上污垢，所以每次洗完面嘅感覺好似做咗Clay mask 咁，摸塊面係滑而且毛孔係好乾淨但唔乾。

後記：150g $309 每次唧出車厘子份量，感覺好快消耗完，確實令人卻步，但我覺得值得一試。