Aesop

香芹籽抗氧化精華

我喺英國網站Mankind購入呢款精華，
100mL唔使港幣400蚊，
無論以開架定專櫃標準嚟講都好抵玩，
（開架牌子The Ordinary嘅Buffet精華得30mL都要百幾蚊～）
好值得入手一試！
先講吓佢嘅包裝，
深啡色玻璃樽相信可以避免精華因爲UV而變質，
滴管設計出發點係衛生同準確控制用量，
但呢支精華個滴管比較雞肋，
而且容量太大樽口太窄，
好易累積啲精華「漿」住個樽口。
然後講吓使用感，
佢係非常濃稠嘅淡黃色液體，
有一陣草本味道，
網上好多review話要乳化佢再用，
而我通常只係直接按摩上臉上，
吸收速度都算幾快，
唔會話非常焗住皮膚。
最後講吓效用，
我覺得佢係有效穩定同細緻皮膚，
用咗之後係少咗出痘痘同埋皮膚平滑咗，
用咗大約7成，
So far都幾滿意佢嘅效果！
如果用完又有優惠會回購。