NIVEA

細胞激活抗皺7天濃縮精華液 (小魔瓶)

我喺佢新出嘅時候換過試用嚟換，
用咗兩支正貨裝，
相等於佢推薦嘅半個療程嘅用量，
個人覺得佢外型設計唔錯，
細細支又有個蓋，
方便去旅行用。
但佢嘅使用感就好麻麻，
香精味太重而且係極人工嘅香精味，
係啲又假又濃烈嘅花香味，
我估喺東歐化妝保養品嚟講係幾普遍嘅味道，
（因為我用過德國牌子Balea同波蘭牌子Ziaja都有同一個通病）
但個人會傾向揀無香或者味道較淡同天然嘅產品。
然後佢嘅質地係比較濃稠嘅液體狀，
並唔容易去推或者按摩。
佢嘅主要訴求似乎係抗老同修復，
但講真真係好無感，
如果單純當佢係保濕精華都仲可以接受。
個人唔會考慮回購。