HELENA RUBINSTEIN

REPLASTY 修復晚霜 (黑繃帶晚霜)

感謝@cosme提供試用。今次試既係Helena Rubinstein黑繃帶晚霜。一直好想試用HR呢個貴婦級品牌既產品，尤其皇牌產品黑白繃帶系列。好開心今次有足夠分量試用兩星期!
晚霜質地較厚，望落就覺得好滋潤。但上面完全唔油唔立，好易推開，而且極快吸收，我用導入機碌唔夠1/4塊面(即係兩下左右)就已經吸收曬 XD。呢款晚霜有少少香味，但好淡好清新，係聞落好舒服既淡花香，搽完佢訓覺都訓得舒服D。
我既用法係，用完導入機之後再配搭簡易按摩。第一晚用完，第二朝起身感覺皮膚十分水潤飽滿，保濕效果極佳。用左兩星期，有明顯緊緻提亮效果。