SHISEIDO ELIXIR

膠原超抗皺眼唇精華乳V

呢款係「網紅產品」嚟，
曾經一度喺日本賣到斷曬市，
因為佢係市面上極少數獲日本厚生勞動省認證嘅有效去皺眼部護膚品！
我自己用落都覺得佢嘅功效好有感，
用咗大約1/3支就會發現眼週皮膚明顯緊緻咗，
明顯到可以就咁用指頭摸都摸得出！
而我本身有兩條跟咗我好耐嘅眼下乾紋，
亦都淡咗60%左右，
以前一上粉底就卡乾紋卡到一個點，
依家唔認真睇都未必睇得出呢兩條陳年乾紋！
至於黑眼圈同眼部浮腫方面就唔覺有改善到～
考慮到佢嘅效果同效率都表現好理想，
我認為呢支眼部精華真係好好用啊！
如果問我佢有咩缺點嘅話，
應該係佢係一支「眼部精華」而唔係「眼霜」，
用時要配搭返有一定延展性嘅眼霜先可以將佢推勻又唔會消耗太多 （始終都唔平啊！）。
真心推薦！
已買定兩支庫存～