The Ordinary

10% 煙酰胺鋅面部精華

The ordinary 出哂名平價又滿滿精華，種類又多，任何人都好輕易揀到適合自己嘅精華液，而且the ordinary非常強調有效成分嘅重要性，要大眾唔好盲目崇拜品牌嘅理念好值得欣賞，我前後買過幾支，去粉刺，去黑眼圈，去皺，生髮，除咗生髮精華之外，其他搽上面嘅精華可以話同我八字不合，唔係用完唔見效，就係搽完痴笠笠，好似係皮膚匝咗一層膠咁

後來睇咗好多人嘅意見，覺得一種有效成分係某人身上work唔work，唔係單睇濃度，仲要睇埋同其他成分嘅配搭，有人適合成分簡單嘅產品，都有人唔適合，可能我屬於偏向後者，加上對成分作用唔了解，求其買一兩支，發揮唔到the ordinary精華最大嘅效果，所以揀產品前最好先了解自己皮膚狀況，清楚知道嘅需求，先好落手揀產品，睇清成分嘅功效，唔好一味聽人推薦求其買