The Ordinary

2%透明質酸B5面部精華

欣賞The ordinary 品牌會將成份直接寫樽身俾消費者知道入面到底係咩，而唔係淨係寫精華。
第一次買呢個產品係身處加拿大，當地冬天非常乾燥，我本身屬於偏乾敏感肌，天氣一乾塊面會痛。當時朋友介紹我買呢支精華，我抱住平平地買黎試下既心態，買左人生第一支，然後一試入坑。
呢支精華本身透明，比較黏稠。我平時會拍完爽膚水，就直接滴幾滴搽上面，剛推開會有小小白色，然後好快就被吸收，搽完真係無感覺到乾痛，而且保濕效果持久。而家番到香港，就算夜晚懶，直接用佢開冷氣訓，都無覺得面乾。而且呢支精華入手價相對低，cp值絕對相當高，值得入手！