NIVEA

深層潤膚露

中女恩物💛 Nivea深層潤膚露

10月一到幾日，就感受到天氣忽然變乾，尤其手腳，會乾到係咁R，R到起晒皮屑甚至R損。特別係年紀到30中，感受到皮膚越嚟越乾，以前年輕可能成個冬天只係需要搽幾次body lotion，搽一次就成個星期都唔會再乾，但而家夜晚沖完涼或朝早搽完，隔幾個鐘又會乾，係街真係少尷，唔R又痕，R又驚人哋以為我有皮膚病ಥ_ಥ。
咁啱收到@cosme 嘅Nivea深層潤膚露試用活動，嚟得實在太合時！

Nivea好多潤膚產品我都試過，例如經典嘅小藍罐，白色罐潤膚霜，但質地對我嚟講都太潤太厚。而呢隻深藍色樽嘅深層潤膚露係以前會用晒嘅產品。

深層潤膚露嘅成份有深層保濕精華，亦有對皮膚親和嘅杏仁油同維他命E，杏仁油可以滋潤同柔軟肌膚，而維他命E 可防止皮膚受自由基損傷而老化，同時可以幫助皮膚保濕和軟化角質，如果你有皮膚發炎嘅情況仲可以舒緩添，不過我就淨係乾姐。

兩種成份提供5合1全方位護理，俾你48小時深層保濕效果，同時預防乾燥、柔滑肌膚觸感、質地不黏膩、呈現健康肌膚狀態，原本乾到鞋恰恰嘅皮膚，一搽即刻又滑又細緻！
講咁耐即刻睇下效果啦。首先每一泵嘅份量對我嚟講啱啱好，唔太少亦唔太多，容易控制份量。然後質地非常易推開，同時好快吸收，以搽手搽腳為例，上下來回搽兩三次就吸收晒，感覺亦唔油唔黏，搽完即刻著衫都唔會黐住晒。
使用前一R就有白痕睇睇我隻手臂先啦，就相嚟睇我嘅身體肌膚唔算太差，但的確會痕，而且一R就有白痕，再R幾下就會甩皮ಥ_ಥ平時望落都暗啞，死氣沉沉咁

一揼我可以搽晒兩隻手，搽完痕癢感即刻無咗！皮膚亦即刻有返光澤！電話影得唔好，唔太睇得出前後變化，但肉眼就好明顯睇到分別，皮膚有返精神！近睇都見到皮膚紋理淡咗。最重要嘅係可以keep到一日！到夜晚皮膚依然細緻！而試用期間其實我超級忙，夜晚有時趕住沖涼瞓覺所以唔係晚晚都有搽，但就算有一晚無搽，第二日都唔會即刻乾返，證明真係48小時有效！而且唔洗40蚊就有380ml!!!今個冬天就靠你啦( ´▽` )ﾉ