OLAY

至臻緊緻紅金面霜

我唔怕年齡每年加1歲，但會怕臉上會多一條紋。年過30發現出現係面嘅瑕疵無以前咁快咁易消失，尤其係紋，尤其係法令紋，多咗法令紋睇落個人真係老咗。

好開心10月中抽中@cosme嘅至臻緊緻紅金面霜，啱遇上轉季，可以試埋啱唔啱秋冬用。

我嘅皮膚狀態進入10月之後係混合性偏乾，T字位出油情況輕微咗，但都係有嘅。而臉部皺紋情況我就比較介意法令紋，所以今次著重睇法令紋嘅效果，睇圖可以睇得出，係無任何表情下，可以見到兩條明顯嘅坑紋，左邊面條坑紋幾乎落到嘴角。
今次抽中嘅至臻緊緻紅金面霜包裝好高貴，我鍾意磨砂蓋多過膠蓋，扭蓋時手感好啲。但就唔太鍾意個圓底，少少難啲，成日會蝕手。
而面霜係輕乳酪質地，濃稠度好適合用嚟按摩，因為太「跣手」或好「輟面」會好影響按摩嘅力度同速度，適當嘅濃稠度可以俾我用想用嘅力度按摩。而全新面霜加入重磅升級的「Signal Peptide 訊號肽組合」，可以激活3大抗老蛋白，另一成份「南法白鑽松露」可以修護肌膚屏障，主打使用兩日就可以減輕20%減乾紋和同13%淡頸紋，使用兩星期可以令面部提拉27%、鬆弛度減輕25%，全方位減淡法令紋、令蘋果肌更豐盈，同下顎線更清晰。

兩星期早晚都使用嘅份量，大約由全滿到用咗1/3，目測一樽可以用到個半月。
質地不流動，但容易推開，推開後吸收好快，觸感柔滑。求先講到我比較介意法令紋，呢兩個星期除咗全面使用，亦會重點再加少少係法令紋位按摩多幾下。呢兩星期除咗法令紋，全面膚質都變得穩定，乾燥情況改善好多，以前到下午4、5點會稍有乾燥感，但呢兩個星期感覺好舒服，另外亦唔會起暗粒。非常適合10月嘅天氣。即使佢無緊緻減紋，我都願意買嚟當秋冬護膚品。

防雷！

好不幸係試用即將完結嘅時候我爆忙，瞓得好少，個人一煩躁就鍾意摸面，所以下巴位爆咗幾粒瘡，毛孔都勁明顯/___以下圖片請大家集中看法令紋就好了。
每日用每日照鏡其實唔覺得有明顯效果，但用咗兩星期再拍埋一齊睇比較，就見到兩條紋有明顯減淡，左面無咁深無咁明顯，右面亦淡咗同縮短咗，我自己都好驚喜。

不過呢幾日爆忙真係變得好殘/__但效果我係十分認同的，希望用晒一樽之後兩條紋會再淡啲