Paula's Choice

淨透無油水凝乳

Product: Paula's Choice 淨透無油水凝乳 呢支保濕乳係我作為油性暗瘡肌嘅驚喜發現:> 質地：雖然佢叫水凝乳（cream），但質地不同於我對cream嘅印象。推開嗰下係好清爽嘅凝露感覺，吸收得超快，一啲都唔黐立立，真係做到淨透無油嘅感覺。 保濕效果：難得嘅係，佢清爽得嚟保濕力竟然唔錯。就算天氣好乾燥(去到零下n度嘅環境)，我用咗佢之後塊面都冇甩皮或者繃緊，keep到皮膚水潤嘅狀態。重點係用咗之後冇因為佢而引發新暗瘡，甚至覺得皮膚狀態穩定咗。可能因為質地夠清爽，減少咗毛孔堵塞嘅機會。呢點真係有驚喜，因為作為暗瘡受害者一直都好怕用cream:') 使用體驗：我通常喺精華液之後用，早晚都有用，搽完會有種皮膚水潤但表面乾爽嘅感覺。後續上防曬同粉底都冇乜出現擦膠碎問題，作為妝前保濕係幾適合。 總結：對於長期受油光困擾又需要保濕嘅暗瘡肌嚟講，呢支水凝乳真係幫到手。佢平衡到清爽度同保濕力，用落冇負擔感。雖然價錢唔算平，但考慮到佢唔會令皮膚變差，我已經回購咗第二支~如果你都係怕油膩又需要保濕嘅油肌，係值得一試。