heme

美白清透防曬凝膠SPF50+

唔止夏天，防曬基本日日都要，揀防曬我最注重佢嘅成份，一嚟要溫和唔刺激，唔會容易起粒粒，另一方面就係清潔唔需要太複雜，就算忘記卸妝都唔會對皮膚有傷害

呢一款防曬凝膠，SPF50，日常出街已經夠用，最多出街補一次都夠。佢質地真係好似啫喱咁，質感非常輕薄，佢可以話係個人來講最喜愛嘅質感。佢不泛白，但有少少提亮效果，啱晒夏天唔中意化厚妝嘅我直接出街用。雖然剛剛擠出嚟嘅時候感覺好白，但係推開就會變咗水凝質感

上網睇過佢嘅成份，呢款防曬主要係物理防曬，成份來講有齊美白保濕，以及係舒緩成份。傳明酸可以抑制黑色素形成，而且加添波尿酸，仲有蘆薈同青瓜等舒緩鎮定嘅成份，喺成份排列來講，真係做得好唔錯。而且大部份都係天然成份，唔怕有大量化學物質刺激皮膚。搽左上面唔會覺得立痴痴，即使夜晚用普通洗面膏清潔都已經夠，唔會覺得有層膠膜包住皮膚嘅感覺，點洗都洗唔乾淨

暫時用咗半個月，都冇出現生暗粒或者係油脂粒嘅情況，控油情況尚可，最緊要係性價比較高，係開架品牌當中值得推介嘅產品！