LANCÔME

淨澈亮肌精華水 (Clarifique極光水) (已停產)

今次參加咗Cosme嘅活動攞咗50mL嘅試用裝，寫心得嘅時候已經按照建議用法試用咗7日

我喺冬天就屬於乾敏肌，額頭、下巴位置有輕微起皮，鼻翼泛紅，T區同面頰近鼻嘅位置毛孔十分粗大，有中至重度黑頭問題，有少些淺色痘印同一啲唔明顯嘅暗粒

本身喺試用前已經有少少皮膚敏感，好擔心呢個時候試新產品會加劇皮膚問題，同埋以前未用過油類產品，唔知自己用完呢枝極光水會唔會塞毛孔或者爆瘡。但係好好彩以上情況全部都冇發生，用嘅時候完全冇話刺痛痕癢，同埋雖然產品含有油潤精華，但係用完完全冇油悶感，亦都吸收得好快

效果方面我都覺得好有驚喜，用咗幾日已經覺得嘅暗粒改變咗好多，皮膚亦都幼滑咗好多😍本來諗住我嘅黑頭同毛孔問題咁嚴重都冇抱咩期望，但係用到第5日就發現啲毛孔真係肉眼可見地細咗，冇以前咁明顯，好surprised呀😭

唯一可惜係喺我身上就冇咩提亮效果，但係整體嚟講已經好出乎我意料之外，十分推介比同我膚況差唔多又有類似問題嘅人。見到其他comments有提過佢有保濕效果，但係有日偷懶冇用保濕精華就即刻覺得皮膚有啲乾燥，建議乾肌嘅人最好都係配搭返保濕精華同cream咁用啦