LANCÔME

淨澈亮肌精華水(Clarifique極光水) (已停產)

今次係Lancome 小黑瓶 X 極光水試用

用法：洗面後，將極光水搖勻，然後用手或棉花使用，吸收後就可以使用小黑瓶

見到極光水嘅第一眼就發覺入面好似有啲好細微嘅閃閃咁，但當倒出嚟，就發覺係啲油分子被打散得好細粒，所以係樽出面睇會覺得閃下閃下咁，好神奇😆

雖然極光水入面係有3%油潤精華，但佢嘅流動性好高，唔會係想像中有啲渴撻撻，或者好油，吸唔到嘅質地。而且佢嘅味道好宜人，唔係啲好假或好臭嘅化學味。咁同時因為佢有少量油分，所以搽完會有少少存在感，但只要等多一陣（我嘅膚質就5分鐘內），皮膚就會乾爽喇，係完全唔會有種，我搽咗油嘅感覺。我亦都試過因為朝早太趕時間，搽完極光水就即刻搽埋小黑瓶，但皮膚都唔會覺得有種黏笠或嘅感覺。

而小黑瓶對比極光水而言，係cream啲，無咁高流動性嘅。同埋佢有陣獨特嘅味道，但唔係好濃或者令人唔舒服嘅味道。而搽咗之後好快就吸收，所以係完全唔覺搽咗嘢。

連續試用咗7日，最近日日都三十幾度，又熱又曬。而我差唔多每日朝早都要化妝，即使唔用粉底，都會用cushion或者有色防曬，但底妝完全唔會同極光水同小黑瓶打交，唔會化化下就有啲碎屑或者粒粒走出嚟。平時我化妝，個鼻啲死皮會化晒出嚟，仲要係成塊咁樣起咗出嚟🥲但用咗極光水同小黑瓶之後，個鼻嘅上妝情況好咗好多，雖然都有少少甩皮，但個量少咗之餘，唔再係大大塊，成個妝都無咁斑駁。

另外， 因為我夏天係係混乾肌，長期係冷氣房，塊面會頂唔順，開始變面具，表情多啲都feel到拉扯。依家每晚都開住冷氣瞓，但瞓醒係完全無晒個種皮膚繃緊，一笑就嘴角痛，面珠扯住嘅情況，即使洗完面都仲係有彈性。

只係用咗7日，極光水同小黑瓶嘅保濕鎖水同埋維持皮膚穩定嘅功效係顯著，期待持續使用只係收細毛孔，細紋同皮膚平滑同飽滿度會有所提升。

分享before and after比大家自行對比下