LANCÔME

淨澈亮肌精華水 (Clarifique極光水) (已停產)

極光水
質地：水感
用後感：少少滋潤感
效果：感覺更細緻


我會每日按照日常嘅護膚步驟，用小黑瓶同極光水代替本身用開嘅產品。我嘅用法係每2日嘅晚上用一次極光水，早晚都用小黑瓶。
爽膚水＞精華＞保濕凝膠（視情況）

開始用之前由於最近天氣唔穩定又好潮濕，毛孔都比平常更明顯，皮膚都有少少泛紅嘅情況，洗完臉額頭會比平時快出油，而且摸落有D位乾乾地。

根據官網嘅使用方法，極光水應該係先搖勻倒落掌心，再直接拍上臉嘅。但由於我覺得比較難控制，第二次開始都係用返化妝棉上。由於係酸類化妝水，如果皮膚比較敏感嘅話，都係跟返官方方法會冇咁刺激。

搽上面之後會有薄薄嘅滋潤感，我只會夜晚用，朝早化妝嘅時候感覺臉上乾燥嘅位置會少咗，粉底比較容易拍勻，到中午額頭出油嘅情況都粉咗。。可能體驗嘅時間比較短，暫時未有感受到毛孔粉刺嘅改善。不過目前感覺都幾好我會再試用一段時間。