CHIFURE

妝前飾底乳 UV

原本唔識呢個品牌 ，有次逛開cosme store 見呢支make up base價錢只係幾十蚊，試用過覺得質地幾易推開又夠透薄，幾啱夏天用就入手喇！

而家日日要戴住口罩，平日返工 會選擇透薄嘅底妝產品 。本身肌膚問題不大 ，不過膚色有D唔均勻 ，基本上淨係用呢支粉紅色嘅 make up base調整膚色改善暗沉，再用遮瑕膏cover黑眼圈同痘痘印，最後用埋定妝粉就完成透薄底妝，好方便！用完效果好自然，妝感唔會好厚或死白。同埋呢款base有SPF19防曬效能，防曬度數雖然唔高，但返office工唔需要長期喺室外嚟講都夠哂用。

總括而言，呢支make up base價錢平得嚟質素都唔錯，絕對值得入手！另有綠色選擇，適合泛紅痘痘肌膚。