CHANEL

珍藏版亮肌蜜粉 éclat magnétique de chanel

今年夏天得來一盒CHANEL光影粉, 係2024SS年既限量彩妝單品。我承認光影粉一大盒, 個量多到根本唔會用得晒… 但呢盒既新穎之處係佢係藍閃; 喺專櫃射燈底下俾佢白底藍光吸引眼球, 包裝完勝。掃少少喺雙頰, 妝效輕薄有光澤, 令肌膚顯得細滑。可惜自己皮膚再搽幾多底妝都好, 都係偏warm tone….. 同藍閃唔係好襯囉 。我諗對於膚色青白既網友會靚啲!

呢個限量版山茶花光影粉外型吸引 當初都係因為佢個樣先買 佢嘅光影閃粉比較高調 閃粉唔算好大粒 但幾明顯 山茶花形狀好靚 令人唔捨得用 附送嘅光影掃都好精緻 掃毛幼滑 掃上面都唔會拮 不過如果用呢個掃去上呢盒光影粉就會拎到太多嘅粉 另外佢嘅黑色外盒拎上手比較輕手 有少少廉價嘅感覺 

最近購入嘅新品，係山茶花形狀嘅提亮蜜粉。佢有三隻顏色可以揀嘅，分別係白色、金色同埋呢隻珊瑚色。我揀咗呢隻珊瑚色嘅原因係佢可以當係胭脂咁樣使用。一塊非常之大，感覺上可以用到我退休。包裝精緻，顯色度高，日常使用或者收藏都係很好嘅選擇。