ETVOS

平衡淨透調理潤膚液

因為暗瘡困擾而購入的化妝水～
產品說明為低刺激處方，即使係暗瘡爆發或膚況不穩時都可以安心使用，含有維他命c成分有助減淡痘印，另外也有透明質酸等保濕成分，避免因乾燥出現嘅暗瘡。

質感有啲似水，清爽唔笠，亦都快吸收，無咩味道，感覺溫和。用咗一個多月，呢支化妝水有助鎮靜已出嘅痘痘，但對預防同消滅準備冒起嘅皮下痘痘係無用的，使用期間時不時爆瘡，並無因為用咗而少咗爆瘡情況，減淡痘印嘅表現亦麻麻，直接搽維他命c會更快見顯。
保濕度嘛，無感。就混合肌而言，夏天用ok，後續用乳液就夠，唔使再加保濕精華或面霜，轉季就唔得了。
總體嚟講有少少失望，雖然明白不能單靠一支化妝水改善暗瘡問題，只是咁嘅價錢可以有其他選擇，之後購入嘅平價嘅暗瘡化妝水相比起反而更有效，所有不會回購呢支化妝水了～