BOBBI BROWN

維他命營養底霜

感謝Cosme和BOBBI BROWN提供維他命營養系列試用體驗 (*´∀`)

首先分享返我自己嘅膚況同埋上妝習慣先
本身皮膚係混合偏油 到咗冬天面頰位容易乾燥 
鼻頭位置稍一不慎就會起皮
由於唔鍾意黏笠感 上妝前只用化妝水打底
等待吸收後就會上妝 但係冬天嚟講係需要加強保濕
今次就用BB維他命系列做上妝前保養程序~~

然後講講底霜質地 
唔知係咪天氣凍關係 一打開偏固體好似牛油
用指腹輕輕打兩三個圈
會喺手指上攞到一層薄薄嘅底霜
重覆多次少量上面
可能用量較少 吸收得幾快但係唔會好黏
皮膚會好似吸收咗營養 變得有彈性
好鍾意佢有陣淡淡嘅橙味 聞到好療癒

最後講講重點實測 使用日係跨年
由於這個冬天不太冷 我全面使用柔亮精華
再喺容易乾燥嘅位即係面頰同埋鼻頭使用底霜
配合以下底妝產品
✿ ⁠Maybelline月光小紫瓶
✿⁠ Pony 遮毛孔妝前乳
✿⁠ Laneige NEO散粉
✿⁠ Espoir 定裝噴霧
完妝後感覺有保濕力 出油唔會好勁
本人毛孔問題較為嚴重 佢哋係有幫忙但唔多
最令我impress嘅係跨完年太攰冇護膚就瞓覺
第二朝起身塊面都冇乾燥 仲有少少彈性
連續一個禮拜返工使用 有日單用底霜鼻翼竟然冇卡粉
兩隻試用品比較後混油嘅姊妹我個人推介底霜

感謝閱讀~(⁠◍⁠•⁠ᴗ⁠•⁠◍⁠)

12月尾跨年實測相 -