BOBBI BROWN

維他命營養底霜

感謝Cosme邀請我試用Bobbi Brown嘅維他命營養系列~ 首先講一講翻自己嘅情況先。我係混油肌，所以自己本身唔鍾意太 黏笠嘅護膚品，會焗住皮膚容易生暗粒。
呢款維他命營養精底霜質地超級厚重，好似牛油嘅感覺，稍微用指腹軟化佢再搽上面就得，份量唔需要太多。由於實在太厚重，我只係喺上妝唔貼服嘅地方例如T字位，稍微沾少少再按揉入皮膚。後續上妝的確覺得比較貼服，但皮膚受唔住，開始有暗瘡暗粒。
總而言之，我唔太推薦呢款產品比同樣唔鍾意黏笠產品嘅混油肌朋友，都係上妝前做好保濕工作好啲。