BOBBI BROWN

維他命營養柔亮精華

感謝Cosme邀請我試用Bobbi Brown嘅維他命營養系列~ 首先講一講翻自己嘅情況先。我係混油肌，所以自己本身唔鍾意太 黏笠嘅護膚品，會焗住皮膚容易生暗粒。
呢款維他命營養精華質地唔算薄，但好水潤同埋好香(果香？)，所以搽上面好舒服。但同時因為佢質地比較厚重，所以基本上我淨係同精華水做搭配，肌膚即刻有水潤嘅感覺，後續上妝都覺得比較貼服，尤其係T字位。
調色效果因為使用時間太短，所以暫時未見效。但總而言之，我幾推薦呢款產品比混油肌嘅朋友，尤其係唔鍾意黏笠產品嘅，因為佢係難得保濕能力幾唔錯而且唔會黏笠嘅產品。