cle de peau Beaute

鑽光柔霧修護粉底液

以前一直用開Shu，到上年試用咗BB變咗心，對持妝同遮瑕都好滿意。 而cpb之前只用過最出名嘅Primer，粉底就未試用。見好多人評價CPB粉底好滋潤同埋遮瑕度低，對於唔係BB陶瓷肌嘅我嚟講的確有卻步嘅位，但同時因為太多人讚佢好透薄用完好似天生皮膚好好而吸引到我課金去試。不過始終有啲擔心會出油太保濕，最終揀咗霧面呢枝嚟試。

枝嘢真係好貴，就算喺代購買都好貴。然而試用完我就明點解啲人會讚佢可以令你有好似天生好皮膚嘅感覺。明明Coverage真係唔高，勁嘅印同紅係唔會遮到無，但唔知點解上完面整體望落就係膚況好咗，膚色提亮咗又瑕疵少咗咁，本身嘅敏感紅都淡咗變咗氣色好嘅紅。毛孔都Blur咗而近睇都唔會覺得有粉感。另外就係呢枝柔霧粉底上面之後係即刻霜轉粉嘅感覺，一直諗住會笠爆頂唔到我全日戴口罩嘅cpb最後竟然唔笠兼好保到濕，收工又無溶妝落口罩。好滿意。