shu uemura 植村秀

unlimited 無限輕透持妝粉底液 (小方瓶 2.0)

膚況：混合偏乾，但T位同鼻兩邊會出油最易溶妝，同埋好敏感長時間大範圍泛紅，除此之外平時大部分時間無乜太大瑕疵如瘡印同斑等等，只有黑眼圈同少少眼底紋淚溝咁。咁啱呢個星期唔知係咪轉季加上用咗弱酸去角質，爆咗好多瘡，所以係喺好多瑕疵嘅情況下試用粉底。本身有用過第一代係好鐘意，空瓶咗2-3枝。直至上年試用過BB新粉底之後覺得佢好過Shu先無再買Shu，所以今次升級咗都好期待佢嘅效果。為咗試到新粉底嘅效果，呢一個星期我番工定出街都用佢揤一泵，而且除咗黑眼圈外所以位置都無用任何遮瑕，測試下粉底嘅遮瑕同持妝能力。

不變因素：
粉底用量：一泵，剛好全面上一層
上妝工具：手指＋Solone 梳乎厘
定妝：Suqqu 碎粉/CPB粉平；掃/粉撲上
————————————————
第一日
氣溫：20-23C
濕度：91%
妝前打底：爽膚水＋小黑瓶精華+嘉丹防曬
帶妝時數：10小時，當中有7小時喺冷氣地方戴口罩
收工後狀態：額頭有啲乾、顯紋。鼻同面頰近睇會見到溶溶地，但遠睇底妝還算完整，仍然有7成遮瑕度。

上妝前、剛上妝、收工
————————————————
第二日
氣溫：16-25C
濕度：90%
妝前打底：爽膚水＋Embryolisse+嘉丹防曬
帶妝時數：6小時，當中有5小時喺冷氣地方戴口罩
收工後狀態：今日番半晝面頰反而溶得仲勁咗 ，所以番屋企落咗妝再上多次，同樣用碎粉定妝，而且無再戴罩咁出咗街，的確有改善到溶妝問題，喺咁多瘡印瘡痕嘅情況下都一樣遮到6-7成。

上妝前、剛上妝、收工
————————————————
第三日
氣溫：~13-19C
濕度：5x%
妝前打底：爽膚水＋Embryolisse+防曬
帶妝時數：0800-1400 6小時，當中有5小時喺冷氣地方戴口罩
收工後狀態：今日番半晝面頰反而溶得仲勁咗 ，所以番屋企落咗妝再上多次，同樣用碎粉定妝，而且無再戴罩咁出咗街，的確有改善到溶妝問題。

之後幾日都係感覺差唔多。

總結：試用呢個禮拜正好遇正溫度、濕度大上落，膚況就由爆哂成面瘡到消哂瘡。老實講今次用係幾失望。雖然上手質感係比上代水潤透薄咗，但唔知係咪老咗幾年膚質比舊時乾咗，加上工作需時全日戴口罩，Shu粉底嘅遮瑕度同持久度滿足唔到而家嘅我。