KERASTASE

逆時光至臻修護浴髮乳

多謝@cosme比我試用洗頭水發膜同埋護髮精華🙏

首先，我講吓我嘅髮質 係中性，少少扁塌，一年會染兩三次髮💇🏻‍♀️同埋用清潔力較強嘅洗頭水就會好多頭皮🥹

我試用左14日，係度分享下我嘅體驗 ：

(1)洗頭水

質地：
透明，流動性高，容易搓開 ，唔係好杰身嗰種係偏向水狀少少嘅 ， 好容易就起到好多泡🫧

香味：
第一次用嘅時候會覺得好似香過頭，但其實洗完頭之後就唔覺，而且香味可以keep到至少半日，有啲似香水味，但係唔會好濃烈，係自然淡淡嘅芳香，會令人回頭嗰種❤️

使用過程與感受：
我習慣係會用洗頭水洗兩次 ，用第一轉沖水後已經覺得頭髮好似飲飽水咁💦好水潤、柔軟、滑溜 🥰洗完乾淨得黎唔會令頭皮好乾/過度清潔 ，亦都會有少少蓬鬆感，冇咁扁塌🙆🏻‍♀️

推薦指數：9.5/10
(2)髮膜

質地：
好似希臘式乳酪，好似加咗精華嘅乳霜 咁

香味：
同洗頭水大致相同

使用過程與感受：
我習慣係一個禮拜用兩次髮膜，其他日子就用返護髮素， 有用嘅日子係明顯更加柔順、光澤同水潤，之前用過好多其他牌子（包括平價同中價位），但都冇呢個牌子咁好用🥹最明顯分別就係，呢個牌子會feel到頭髮底層真係修護到，水份吸收咗入去嘅感覺🫶🏻而其他牌子嘅效果就只係留喺頭髮表面 ，第二日又會繼續乾旱 果種🤦🏻‍♀️

推薦指數：9/10

(3)修護精華

質地：
係好似護髮油加咗保濕精華嘅感覺，對比其他護髮精華呢支係流動性更高，唔算好黏笠

香味：
同洗頭水、 髮膜分別不大，係再加咗少少類似香水嘅味，keep住大半日都香噴噴🥳

使用過程與感受：
我以前不嬲都冇用開護髮精油既，但由於一年都染兩三次髮，由幾個月前開始 發現d頭髮乾旱到不得了，就開始習慣每朝洗頭後使用，都係等啲頭髮冇咁乾。但 用咗之後呢個牌子嘅護髮精華後，頭髮係保濕到更加持久，提升光澤度，令係由頭皮至到髮尾、由內到外 都飲飽水，最鍾意佢係吸收得好快，手上剩餘嘅精華都唔會黐笠笠，我覺得搽完再吹頭+吹髮頂髮尾造型真係冇咁傷頭髮，而且會快乾少少😆

推薦指數：8.8/10

———————————-

總結：其實我以前都有用過佢紫色同粉紅色系列嘅洗頭水，但感覺都係唔錯嘅，但由於價錢關係，就唔會優先考慮🙂但逆時光至臻呢個系列令我大開眼界🤩用咗呢14日後，無論係光澤度、柔順度、水潤度、修護、改善毛躁方面，我都比極高分佢，特別係洗頭水嘅水潤，係令我最深刻，用完之後返唔到轉頭😍😍😍

回購度：8.8/10