BOBBI BROWN

無重輕霧粉底液 SPF 15 PA++

首先非常感謝@Cosme邀請試用Bobby Brown最新推出嘅 無重輕霧粉底液❤️❤️喺我研究緊買咩粉底液嘅時候，嚟咗個「及時雨」 ，真係非常之開心😍😍

我平時返工放假出街都會有化底妝嘅習慣，試用完呢14日之後覺得好驚喜。

我嘅膚質：中性皮膚，T字位容易出油同毛孔粗大，有少少痘印

膚色：暖皮一白

上妝工具：soline 海棉粉樸、粉底刮刀

妝前步驟：爽膚水> 保濕精華>防曬>底霜>粉底液

試用色號：W-016 Warm Porcelain

粉底質地：係介乎於Cream同Liquid 之間 ，而又偏向Liquid，有流動性但唔算太水，貼服得嚟又好輕盈、唔焗，就好似產品名咁 做到無重空氣感嘅底妝，而且容易推開 👍🏻就咁睇搽上手以為會好黏笠，但如搽上面後，好快就同皮膚貼合咗。
氧化程度：輕微氧化，只係深色咗少少，但對我嚟講氧化後會更加貼合我嘅膚色😛

粉底妝效：非常貼服皮膚、透氣，夏天用完之後都唔覺得焗， 保濕度都好夠，好快就同皮膚貼合咗，我只搽一層，膚色不均嘅地方先拍多兩下，遮瑕度大概70%。過咗一陣之後佢係微微嘅冇霧感 ， 加微光澤， 係好微妙又好細緻嘅感覺 🤩🤩平衡得好好！

素顏相：
下圖係只輕輕搽右半邊面，未搽遮瑕既情況😬：
日常番工用其實我唔會點補妝，但係都冇咩點甩妝，返工帶住口罩到放工，只係黐咗少許粉底喺口罩上，所以我特別做咗兩個測試，分別係做完運動後全日狀況，同埋室內Party Room玩全日嘅狀況。


(1) 下午去左運動1小時，然後去行街食飯(無補妝)
(2) 食完飯後就去Party Room玩咗全日(無補妝)
喺上面四張相可以見到，做完運動加室外活動全日 ，冇補妝嘅情況下，個妝都keep到一半，係出咗啲油同埋鼻翼位溶咗妝 ， 收貨😝
而喺室內活動全日，冇補妝嘅情況下，個妝係keep到八成以上，只係額頭中間出咗少少油，夠保濕冇抽乾哂皮膚水份，我非常滿意啊😚🥰

另外再提供多張全日帶口罩後既口罩相比大家參考下😊

我嘅膚質其實好難搵到適合嘅粉底，人人羨慕中性皮膚而又唔係瑕疵皮，但好多粉底都唔係為呢種皮膚而設，上面一開始係好好，但過一陣後唔係太乾，就係太笠、太厚 、嚴重溶妝、浮粉、發黃暗沉😫之前試過好多粉底、粉霜、氣墊，得隻日牌貴婦粉霜係啱用（但2千幾蚊太貴了，我放棄左☹️）。而今次呢隻粉底係各方面都平衡得好好，最中意佢夠輕薄、微霧得黎又帶少少光澤🫶🏻🫶🏻呢種妝效好處係：出足全日街+唔補妝，都唔會轉化成油光滿面❣️我係完全估唔到係咁適合我，連揀俾我試用嘅色都完全係fit晒，真係令我非常之驚喜😍😍😍


質地：8/10
妝效：9/10
保濕度：8.5/10
持久度：8/10
遮瑕度：7.5/10
推薦指數：8.8/10