KERASTASE

防掉髮修護護髮露

感謝kerastase 抽中我試用「Genesis 雙重防掉髮護理系列」

我1-2年前都無掉髮既問題，直到疫情，中過一次同第二次之後就開始出現掉髮問題。講真，真係好困擾。作為一個女仔真係最唔想見到有掉髮既問題，所以呢年來試左好多方法。但一直都無選擇專門髮護既鋪頭，因為價錢既問題。所以好開心今次被抽中可以有機會試用到❤️

首先講下包裝先啦，佢全系列都係粉紅色，好容易就分到係咩。可惜我本人唔好粉紅色，加上佢呢支唔似洗頭水個支透明，所以我覺得個包裝其實麻麻地。

值得表揚既係佢同洗頭水既氣味係一致，一樣係一陣陣既清爽果香味。簡單形容就係令人身心放鬆既氣味，唔係過於濃郁，但又可以keep到差唔多一日，好驚喜。

到最重要就係佢既功效，咁我自己既習慣係洗兩次頭，接近每日一次。有出街既日子一定會洗，如果無出街就會隔日洗，洗完一定會用護髮素。佢呢隻需要洗完頭印乾，再上，停留2-3分鐘。用完之後沖乾淨，再吹完頭。比起平時用其他既護髮素更加有用。吹完真係明顯順滑，遇上潮濕既日子都唔會好似獅子咁炸哂毛。

不過講到防掉髮呢樣說無咩感覺，但我覺得因為試用14日就睇到效果係無咩可能既，如果照住上面描述既頭髮順滑，梳頭減少磨擦，係會減少甩髮現象。

經濟能力許可既我推薦用喔！