CLINIQUE

100小時自我修護水嫩補濕啫喱（粉紅爆水啫喱）

我係混合偏乾皮膚， 加埋戴口罩，比較容易焗粉刺/ 痘痘，所以平時好驚搽啲好笠/ 好潤既護膚品。 加上最近轉天氣， 皮膚都比較乾同唔穩定。 見到Clinique 呢款粉紅包裝， 加埋無油、無酒精配方，即刻好吸引。

本身呢款面霜係膏/gel狀， 唔會好厚， 幾水潤。 搽上面可以推到好薄好遠， 所以少少已經可以搽晒成塊面。 搽完上面好快乾爽，但仲feel到少少水潤既感覺，好似敷完保濕面膜係面， 但完全唔笠唔焗，仲好乾爽。岩晒而家轉天氣，乾啲都ok。但化妝前可能都要再加少少補濕。So far無悶痘/暗粒粉刺，所以幾好。