GUERLAIN

再生修護雙效眼精華

眼底長期乾，特別係化妝後，眼紋好快出哂嚟。一路以為淨係要加強保濕，亦都試過好多唔同牌子嘅保濕眼霜，都係無改善。

直至有一次去Guerlain專櫃(本身係去回購活肌蜜)，經BA姐姐分析，眼底乾未必一定保濕，可能缺少左油分，所以搽幾多保濕都係乾。 佢介紹咗我用呢一隻雙效眼精華，睇落好似好油嘅質地，搽落眼底一啲都唔覺得油膩，加埋眼部按摩，吸收快。

用左約兩個月，早上化妝後，乾紋無咁再顯眼，眼底肌膚狀況都有少少改變。 雖然出現咗嘅眼紋冇可能 完全消失，但係用咗呢隻雙效眼精華，明顯見到眼底紋理有改善，值得推介，亦會繼續回購。