INNISFREE

綠茶籽保濕精華(已停產)

一直都係用開Innisfree 既護膚品
性價比高唔貴功效又唔錯
之前試過兩個系列既
分別係濟州熔岩海水(藍色樽)
同埋石柚光肌(紅色樽)
好鍾意秋冬用濟州熔岩海水好保濕
但係春夏果陣用左石柚光肌系列
搽完塊面係比較痴笠笠唔夠清爽
所以好想搵另一個系列
係適合春夏咁悶熱既天氣用

今次好多謝@cosme HK同innisfree
送出呢支 innisfree「綠茶籽保濕精華」 正貨裝
一用真係勁鍾意❤️
首先佢支精華陣味係超清新
聞落係好舒服
佢既用法好特別係所有護膚品前搽
幫助吸收之後既護膚品
所以我每日洗完面沖完涼得都會即刻搽
呢個對我黎講係好方便
因為我比較懶
如果要搽其他護膚品先再用精華
我好多時就會懶到直頭唔用
所以呢支真係好適合我呢個懶人😂
搽左上面好神奇
佢真係做到滋潤而不笠！
呢個真係要勁讚👍🏻👍🏻👍🏻
勁怕熱同焗既我用呢支精華完全係冇負擔
質地好清爽流動性高又容易吸收
用左兩星期明顯睇到皮膚係有改善到
好水潤有光澤
做到深層保濕既效果👏🏼

總括黎講好鍾意呢支精華❤️
明白點解會係innisfree 既皇牌產品
真係非常適合春夏咁悶熱天氣用
價錢唔貴效果明顯
做到保濕水潤光澤效果
無論聞定搽上面都好舒服
用完會繼續用綠茶系列
我之後仲去買埋支綠茶保濕噴霧
因為真係好香😆
我相信綠茶籽系列秋冬用都會適合
絕對推薦✨✨✨✨✨