提提研 Timeless Truth Mask

TTM 超柔焦控油面膜

今次竟有幸被@cosme 抽中體驗提提研TTM「超級纖維系列面膜」試用，我收到【超恆定修護面膜】同【超柔焦控油面膜】 先講講我係混合性皮膚，夏天化妝時會用少少控油產品，而平時夜晚都無乜特別用控油護膚品，但早排天氣好熱時爆左幾粒暗瘡同T字位出油，醒起收到【超柔焦控油面膜】就即刻順便試用下，面膜精華比較流水狀而且份量都幾多，敷到上面感覺好舒服， 敷完唔需要過水都吸收得好快同好乾爽。 本身以為依個價位效果唔會好顯著，點知敷完第二日塊面即刻乾身好多，乾到平時啲粉都有紋，就算我連續幾日係咁補濕都乾左兩三日。 雖然對混合肌既我黎講唔太適合，不過都不得不佩服依款面膜功能真係好勁，效果真係好顯著又保持到，十分推薦俾油性皮膚既人，依個價錢+效果真係CP值一流！（混合/乾肌真係唔好試，建議可以試【超恆定修護面膜】）

推薦在暗瘡大爆發或油脂分泌失平衡時使用，夏天也非常適合使用；可以作補水同時平衡水油及舒緩刺痛的青春痘

先感謝@cosme 送嘅試用品🙏🏻🙏🏻，已經好耐無敷過紙質面膜，因為得一塊，只係share 當下用後感，面膜上聲稱功效需要用一段時間至睇得出，無講嘅唔代表面膜無用 一拎出面膜感覺有啲似蠶絲面膜，不過比蠶絲要堅韌一啲，敷上方法同蠶絲一樣，有敷開嘅都知就唔係度詳講，面膜版型設計幾特別，下半臉特別闊，以照顧埋耳下位置，可惜下巴變相短咗，我唔屬於尖下巴都勉強覆蓋到，下巴再尖啲恐怕cover 唔哂，精華液量足但唔會滴出嚟，非常淡香味，說明話敷完唔需要洗，輕輕按摩至吸收，以前我係會洗，因為通常都會摸到一層膠質封住皮膚毛孔，感覺好唔舒服，今次摸上面膠質感覺唔重，按摩兩三分鐘就吸收晒 呢膜面膜聲稱可以控油，我敷完就無再擦任何skin care ，坐咗差唔多半日（非冷氣房並素顏），平時出油最多嘅T位，額頭部分無油光，鼻哥頭只係輕微出油，其餘位置都好乾爽，相信長用的確會有控油效果

提提研TTM既面膜有好多款~今次試用既係超柔焦控油面膜。呢款面膜係綠色包裝，打開包裝，同佢其餘既面膜一樣表面有層白色層同，面膜底有層黃色層，用既時候需要撕開面表面白色層，將面膜貼係面上再將黃色層撕開~個人認為呢個包裝有優點亦有缺點。優點係可以比平時就咁將面膜敷上面既位置更精準，缺點係如果冇睇清楚包裝上指示，可能第一下會將黃色層當左面膜去敷，而且要咁樣撕開白色層同黃色層，步驟亦比就咁將一塊MASK繁複。 呢款MAKE敷上面之後感覺面膜非常貼薄，貼到直情透到皮膚，一路敷既時候會FEEL到水份緊緊咁透過面膜吸入你既皮膚入面~而且點郁都唔會甩~呢個質地真係好讚!敷夠15分鐘，雖然呢款面膜唔係主打水潤，但敷完都會有種保濕既效果，收歛毛孔既效果唔算好突出，係剛剛敷完既時候會見到毛孔細左D，不過第二日已見唔到呢種效果了~控油效果同樣唔算好出色，戴住口罩到中午其實都已經出油。比較起上黎我個人會更愛同系列既超導水面膜！

收到cosme 的一片試用～ 未試過呢個牌子面膜 可以講下first impression 首先面膜紙係滑嘅質感 算係蠶絲同布嘅中間咁 十分貼面 而剪裁上亦幾適合亞洲女性 咀部會較窄 所以敷時唔好食野/講野 精華係流質個種 用多餘嘅搽身都好快吸收 而香味方面係係無乜