CAUDALIE

葡萄蔓極緻淡斑亮白精華

首先感謝@cosme抽中我試用產品😛本身都有用開美白精華，但大部分都係以維他命C為賣點，今次可以試下啲唔同嘅嘢~ Caudalie呢支淡斑亮白精華以 獨家專利成份Viniferine 葡萄蔓萃取液為賣點，聲稱功效比維他命C高62倍，至今連續用咗兩星期 ，皮膚的確有改善到 ，好想推介俾大家😍

首先，呢支美白精華嘅吸收力非常出色~佢嘅質地輕盈，好容易喺皮膚上推開並迅速被吸收。無論係朝早抑或夜晚使用，它都能迅速滲透入肌膚底層，唔會喺皮膚表面留下油膩感或者黏膩感。 佢嘅質地非常適合作為日常護膚程序嘅一部分，而且啱晒最近 炎熱潮濕嘅天氣使用！

其次，呢支美白精華嘅成分天然。佢不含油份、矽、酒精、Paraben等 有害化學物，所以就算你係敏感肌 或者孕婦🤰🏻都可以用。因為市面上好多美白精華都係含有 高濃度維他命C，未必每一個人都適合。Caudalie呢支精華成份溫和，唔需要擔心使用過程中會對皮膚造成負擔。

最後亦都係最驚喜既👏🏻，就係佢喺減淡暗瘡印方面表現出色。前排食得太多 煎炸嘢搞到生左一粒大 暗瘡， 雖然已經好返，但一直都有好明顯嘅暗瘡印🥲持續用呢支精華一段時間之後，我注意到我嗰個暗瘡印好明顯減淡咗7成🤭而且面色均勻咗，整體膚色亦都亮白咗，呢點係令我感到非常滿意 ！

總括嚟講，Caudalie呢一支美白淡斑精華喺吸收力、成分同減淡暗瘡印方面都表現出色。如果你揾緊一款能夠提亮膚色並且改善暗瘡印問題嘅護膚品，呢支美白精華絕對值得一試👍🏻