YSL BEAUTÉ

夜間修復精華(月光仙人掌精華)(已停產)

夏天混合肌，宜家天氣又熱又要出入冷氣地方，皮膚會容易出油。而且重點！我呢個禮拜日日都起碼3點先瞓，完全休息得唔好。

質地：1/3油份及2/3水份精華，混合使用。流動性比想像中高，只係比水稠少少。
試用咗兩個禮拜左右，佢都算快吸收，5分鐘後會有潤澤感，但係唔會好油luplup🤣

成份：佢有3.5%甘醇酸，酸可以幫手去角質，加速皮膚代謝。用咗一晚，有啲谷緊嘅暗粒已經縮返入去😂，成塊臉都細緻咗少少。我自己就冇敏感嘅。

用咗一日之後嘅效果：


保濕：佢水油平衡做得好好😭😭，一起身塊面係好舒服，唔會成臉油或者太乾。宜家喺冷氣房爭係用一款精華都夠保濕。👍🏻

用咗10日之後，成塊臉啲粒粒、紅點都消咗好多，啲暗瘡都得返啲印，已經唔係新鮮嘅痘。膚質細緻咗勁多，啲毛孔好似脹卜卜咁，肉眼睇變得冇咁明顯，摸落係滑咗嘅。黑頭都出得慢咗。
以下係10日效果圖：

缺點：因為有酸，如果塊面有傷口，會有少少乸。

整體上，我係好鍾意呢支精華，保濕得嚟又可以去角質同減少痘痘。