YSL BEAUTÉ

夜間修復精華(月光仙人掌精華)(已停產)

感謝@cosme 同YSL beauty 邀請試用夜間修復精華(月光仙人掌精華)。

第一次用YSL嘅護膚品同埋有油嘅精華，初頭見到有油嘅成分有點抗拒，因本人係混合性T位偏油，諗落好似油上加油🤔，但見有3.5%甘醇酸(最溫和及最有效之濃度)，因為有去除肌膚表面老化角質，帶走多餘油脂嘅功能，就一於試下。

包裝外型 一個係方型透明膠盒，另一個係按壓式 玻璃樽，方便替換，十分環保
👍🏻👍🏻


質地係油加水份精華，用前要搖勻，再泵2下足夠揸全面， 揸上面迅速俾皮膚 吸收 ，而且有淡淡爽身粉味，感覺好舒服，潤而不膩， 完全沒有負擔 ☺️而家天氣咁熱都用得

試用第一日就有感，發現比平日光澤，而且T位油脂無之前訓醒嘅咁多油，再繼續用多幾日就去咗做facial， 幫我做開facial 嘅美容師覺得我皮膚 細緻 幼嫩咗 (佢平時無唔會讚 我 )，仲有公司嘅同事都有問我皮膚點解好似靚咗，我話用咗ysl夜間修復精華， 所以我相信係支精華嘅功效幫咗我改善皮膚質素，事實上用咗依家十幾日倒，皮膚比之前光澤同細緻咗 ，而且黑頭同毛孔都少咗，好高興ysl有支護膚品係有酸嘅成分而唔會令皮膚脱皮乾燥🩷