Kiehl's

醫學淡紋緊緻再生精華

無諗過抽中今次嘅試用活動，多謝 Cosme 同 Kiehl's 😃😃

剛踏入40歲嘅我，係偏乾兼季節性敏感肌。因為呢枝再生精華含有A醇關係，所以頭2星期都只係隔晚使用。見塊面無敏感反應，先開始每晚使用，大約都有10日左右。

基於自己係乾肌關係，我會先搽保濕精華打底。最重要係第二朝“一定”，“一定”要搽防曬😁😁

從隔晚使用，到每晚使用，毛孔係有收細到嘅，而且虎紋亦明顯減淡。膚色呢…都有好轉，無咁暗沉。（早知影身份證前就開始用啦😓😓）

精華質地屬cream狀，易推。氣味有啲似藥膏味，唔難聞，可接受嘅。

用過呢枝再生精華，令我對 Kiehl's 嘅維C淡斑精華好有興趣。