INNISFREE

速效淨肌修護精華

多謝@cosme邀請我參加innisfree 嘅14日試用，試用產品係速效抗痘精華

包裝
呢枝A醇小白瓶拎起身都幾有份量，泵上面有畫一個細細嘅箭嘴，跟住個箭嘴擰一擰就可以鎖定，唔洗驚入面啲嘢漏出嚟

質地
淡淡嘅黃色液體，流動性都幾高，好容易推開，我仲未嚟得切影相已經流流地落手

使用感
用落唔油都唔算好痴，擦上面之後好快吸收晒，有少少味（人參味？膠味？），啲味好快就散冇乜嘢，我朝頭早（出門口記得搽防曬）+夜晚用，第二日起身唔會大出油

效果
的確有消炎殺菌作用，用嗰陣咁啱有粒瘡出咗嚟，用枝A醇小白瓶粒瘡冇以前爆得咁勁，粒瘡都變細粒咗，面上泛紅嘅情況都有少少改善，唔算特別保濕，冇淡化暗蒼印，不過呢個價錢唔好expect 咁多，改善到暗瘡已經合格咗

其他
頭幾次用嗰陣突然泛紅，不過冇剌痛嘅感覺，之後上網Google咗頭幾次用會泛紅+生暗瘡係屬於正常情況，如果頭幾日冇效果唔好咁快放棄佢，不妨試多幾日先