INNISFREE

速效淨肌修護精華

前嗰排知道 innisfree 出左一支A醇小白瓶，知道佢標榜可以清除油脂、減少黑頭白頭等皮膚狀況，而自己又係油肌，所以一直好想試，多謝 cosme 畀左個機會我。

首先，好鍾意佢個包裝係好似打開本書咁，然後之小白瓶就放喺入面。用嘅時候都好方便，就咁扭一扭瓶嘴，按下就可以唧到一粒黃豆嘅份量，唧完再扭番去鎖番個瓶嘴就可以防止唔小心禁到而唧左出嚟。

佢嘅質地係水凝狀，似乳液咁嘅流質，好易推開，搽完塊臉唔會覺得笠，都好快吸收曬。

試用左兩個星期，小白瓶的確如佢聲稱嘅不刺激，用後冇令我有刺激或敏感嘅情況。另外，用左之後，雖然啲痘印未退曬，但感覺佢地會退得快左。至於改善皮膚清潔情況，暫時未有太大感覺，因為自己本身係超級大油田，啲毛孔成日有好多油脂、黑頭白頭積聚，所以冇點期望小白瓶會幫到好多。

總括而言，我幾鍾意小白瓶嘅設計，同時都欣賞佢清爽易吸收嘅質地，唔會太刺激又幫到我退痘印。