NARS

Light Reflecting 原生光亮肌粉底液

好多謝@cosme HongKong 邀請同抽中我，有機會可以試用NARS 「Light Reflecting 原生光亮肌粉底液」

係試用之前都有爬下文睇品牌同商品既資料，再參考下其他用家既評價，大概都知道呢款粉底液既特點係打造透亮同潤澤既底妝，同我用開既粉底液/氣墊粉底好唔同，因為我一向都揀開霧面既底妝，而且未試過NARS既試品，呢次係一個好難得既機會👍🏻

收到粉底液既時候就覺得個包裝好靚，黑色既紙盒，四四方方既樽身，好高貴既感覺，收到既色號係Light 4 就咁望顏色好似比較白，不過吱出黎點上手又會深色少少，第一下吱既時候係吱唔出得啲啲咁，襟多幾次之後每次吱出黎既份量都岩岩好，搽上手同我膚色都好接近，感覺涼浸浸，質地好水潤同透薄，唔會杰達達，好易推開，而且聞落去冇咩味道，感覺唔錯！

我係混合偏乾，主要會係眉頭同鼻翼既位置容易乾，下巴多粉刺同埋眼紋、黑眼圈較為明顯。
做好護膚步驟之後，搽上面好開心係同我膚色非常接近仲有提亮既效果，會睇到有光澤既效果，膚色白左但唔會好死白，而且搽上面真係涼浸浸好輕薄既感覺，我覺得幾適合春夏咁悶熱既日子用😆，因為唔會焗住塊面咁。我本身塊面冇好明顯既斑印，我覺得搽第一層都做到六七成遮瑕，到搽第二層都遮得七七八八，但都冇好厚粉既感覺👍🏻不過黑眼圈果啲都係要另外用遮瑕膏，妝感上我都幾滿意，就咁肉眼望落皮膚都幾細滑，而家唔會乾爭爭咁，而且都明顯睇到透亮既效果，面上有光澤。

遲啲轉夏季既時候，會再睇下效果如何，因為我夏天好易出汗同出油，到時睇下持妝效果好唔好！整體上我幾鍾意呢款粉底液，亦覺得幾適合我用😊最後要再次多謝@cosme HongKong 邀請同抽中我，等我可以試到 NARS 「Light Reflecting 原生光亮肌粉底液」。