Dove 多芬

光澤修護洗髮乳

感謝@cosme提供試用:)今次收到嘅產品係Dove嘅光澤修護洗頭水，我連續用咗十日，以下係我嘅少少分享。

我自己本身頭髮係屬於細軟髮質，有扁塌嘅問題之餘，仲有輕微嘅脫髮問題。之前一直都因為髮尾較乾，所以都一直用緊啲滋潤型嘅洗頭水。試過今次呢款洗頭水之後，我覺得呢隻洗頭水可以保持我嘅發根同頭皮清爽，從而減少扁塌嘅問題。尤其是夏天出完汗之後，頭皮都少啲出油，減少令到頭髮扁塌嘅情況出現。除此之外，呢隻洗頭水喺保持到頭皮同頭髮清爽嘅同時，亦都可以令到我嘅頭髮中斷同尾段保持滋潤。最後，我認為因為頭皮清爽左同潔淨咗，所以令到我脫髮嘅問題都稍微有改善。以前我瞓醒起身起碼會有七八條頭髮甩咗喺枕頭上面（圖二），而家減少到只有一兩條（圖三）。總括而言，我十分推薦呢隻洗頭水比細軟髮質，夏天用尤其見效😊
#火熱新品