ORIGINS

靈芝菇菌抗逆健膚精華水 (靈芝輕精華水)

我一直有用開菇水，但未有機會用佢新岀靈芝菇菌抗逆健膚精華水，所以好感謝@cosme 今次抽中我參加呢次Origins嘅試用活動。
新版嘅菇水同之前一樣，有微微嘅草本味，流動性高，質地輕薄，吸收後唔黏立，但比舊版滋潤。我皮膚屬於混合性偏乾，有時舊版會覺得保濕度唔夠，但新版試用14日對佢嘅保濕度都好滿意。
至於退紅紓緩效果同舊版差唔多，用化妝棉敷係發炎泛紅嘅位置，即時就有好明顯嘅退紅效果。

我自己個人習慣朝早用化妝棉擦一次，晚上再係有泛紅嘅位置敷5-10分鐘。我最鍾意係佢擦完好清爽，而且可以令皮膚保持穩定。