AHC

B5 智慧保濕精華

多謝cosme 揀中我俾我試用AHC B5 智慧保濕精華🥹❤️ 呢個保濕精華嘅質地係屬於滋潤，比較厚身，一上皮膚好容易就推開到。佢嘅吸收速度幾快，大概5秒左右，皮膚就會吸收晒所有精華。

我因為有嚴重暗瘡問題，所以最近有食緊A酸，而家皮膚正值非常乾燥同甩皮嘅狀態，亦因為咁樣我唔可以用刺激性嘅精華。呢個保濕精華好好，佢唔刺激我嘅皮膚，唔會泛紅同埋甩皮嘅狀況都有減少咗！不過有少少缺點就係塗後臉部感覺偏粘😢😢 如果再乾爽少少就更加好～

我大概用咗兩個星期左右，期間我每日早上同夜晚都會搽呢個保濕精華，我覺得肌膚係有改善的，而家我嘅肌膚再沒有甩皮嘅狀況出現，明顯水潤咗。皮膚狀態亦好似穩定咗，冇咁容易泛紅，不過平滑感覺冇話特別強烈，感覺同之前差唔多，可能要再用長啲時間先知道個分別。

不過整體我覺得呢一支精華性價比好高，值得購買！🫶🏻🫶🏻