OLAY

PROX 亮潔晳顏淡斑精華 (新升級抗氧淡斑精華)(已停產)

好多謝被@cosme抽中試用OLAY PROX by OLAY 亮潔皙顏淡斑精華

之前留意開既OLAY產品外型都係比較玻璃閃亮D既, 今次打開依支見到係未見過既全白色磨砂樽外型, 好有新鮮感, 更加配搭出依個產品淡斑淨白功效。精華冇味道, 對香味特別敏感既人可放心使用。採用滴管設計好方便, 手指唔需要直接係瓶身入面取得精華。

質地係少少黏稠, 本身仲覺得依種質地可能吸收時間比較耐, 但佢好快就吸收曬, 唔會覺得好黏笠, 好輕盈同清爽, 用完塊面都水潤左, 好適合夏天使用。

之前因為面頰有生痘痘, 所以都有泛紅同痘印既情況, 另外都有少少色斑。用左依個精華大約一星期之後就明顯感覺到面頰既泛紅減淡左好多, 痘痘消左, 痘印都淡左少少, 成塊面既膚色平均左(因為之前面頰都有一達比較深色左既印), 但色斑就可能因為使用時間太短仲未見到好明顯既效果。

比起之前買既美白精華, 依個OLAY既既亮潔皙顏淡斑精華功效更快更明顯, 會繼續去購買。