YHKcare

密羅木抗敏滋潤保濕霜

好開心收到@Cosme 抽中可以去試用香港本地品牌《YHKcare》的抗敏滋潤保濕霜系列，三枝分別係密羅木抗敏滋潤保濕霜、亞麻籽抗敏滋潤保濕霜以及苦橙花抗敏滋潤保濕霜☺️

亞麻籽抗敏滋潤保濕霜同密羅木抗敏滋潤保濕霜呢兩枝都係無香味既保濕霜，好岩對香料或者味道好敏感嘅Sis去選擇！

個包裝非常貼心，做左真空包裝設計而且無樽蓋好岩我呢d成日唔見野嘅人，另外唧完佢唔會有面霜痴住係樽管到，非常sweet!!

唧出泥係白色霜狀，唔厚身！用手指可以好快推開，之後茶上面好快吸收哂！用完都唔會覺得黐立立😍朝早我當佢係日霜用完佢化妝無同我任何化妝品打交，無出現起擦子膠碎，非常好👍🏻夜晚我當佢係晚霜，用既份量比日頭多小小，第二日起身都唔會覺得成面油吸收唔到d護膚品，反而d皮膚有光澤感出現。

用哂三枝其實最睇唔到密羅木抗敏滋潤保濕霜呢枝既效果，始終如果要減淡紋路、提升肌膚緊致度係需要比較長時間，但如果你當佢一枝好簡單嘅面霜去用係絕對唔需要驚唔好用！我最大既感覺係我手指上嘅倒刺少左😂每次搽面霜我都會唧多少少份量查埋喺隻手度，feel到隻手無之前咁乾同咁易生倒刺，一枝$200都唔洗既面霜，抵買！

完全冇諗過香港有啲咁正嘅護膚品，之後有機會都好想試埋佢其他既產品！