購買資訊

Yves Rocher 防脫髮修護護髮素 🌿 呢支防脫髮護髮素真心好用，不知不覺間我自己都已經用完兩三支！對於有防脫髮需求、同時又怕護髮素太油膩嘅朋友嚟講，真係一款無限回購嘅好物 用後感： 質地好特別，乳狀好容易推開同被髮絲吸收。最讚嘅係佢完全唔會喺髮絲上面留下嗰種點沖都沖唔乾淨嘅假滑感，沖水好快速順暢 每次用完之後，髮尾啲乾枯毛躁即時被撫平咗好多。長期用落嚟，覺得髮絲變硬淨同有彈性，平時梳頭嗰陣拉扯斷髮嘅情況減少咗好多 傳統防脫護髮產品有時會太滋潤，但呢款完全唔會！吹乾頭之後髮絲好順滑，同時依然保持到輕盈嘅空氣感，唔會令頭頂變重或者扁塌 帶有 Yves Rocher 標誌性嘅有機龍舌蘭同草本植物清香，味道好自然舒爽，洗完頭覺得成個人都好放鬆 #護髮部門

Yves rocher防脫髮洗頭水及護髮素都有試用。 護髮素質地比較較流質，用完之後雖然頭髮都順，不過修護效果就好一般般，滋潤度普通。草本嘅味道同洗頭水一模一樣。而且護髮素正常嚟講用於髮尾不會接觸頭皮，係修護頭髮多過防脫髮功效，如果真係想防脫髮，建議首先試用王牌洗頭水。 護髮素就冇再回購了。

Yves Rocher 防脫髮護髮素 — 特別氣味，效果中規中矩 呢款護髮素嘅氣味同市面上大部分護髮素有所不同， 唔係嗰種令人印象深刻嘅香甜味道， 而係帶有一種比較特別嘅氣味， 所以如果你期待傳統嘅香味，可能會有啲失望。 用完之後會發現頭髮變得順滑咗， 梳理更容易，少咗打結嘅情況，同時頭髮亦有光澤咗， 但整體嘅修護能力並唔算特別出色， 對於髮質比較受損或者需要深層滋養嘅人， 可能效果未必達到預期。