SOFINA Primavista

持久控油防曬調色底霜

SOFINA 皇牌 Primavista 妝前底霜系列，今次呢隻持久控油防曬調色底霜一直都好出名，有強效SPF50 PA+++ 防曬保護兼高效防水。

感謝 @cosme揀中會員禮，是次得到活力紫顏色，主打提亮疲憊暗沉肌膚，締造具透明感、更白皙膚色。而且可以調整暗瘡印同鼻翼嘅泛紅、打造與肌膚融為一體嘅自然妝容。

依家日常返工用呢支再加蜜粉就出門，有輕微提亮膚色效果，但個人覺得提亮效果唔夠持久，如果平時就噉出門嘅話就應該唔夠了，因為平時我用有色防曬時候都係全日齋搽就出門。但呢支出完街全日之後已經冇咗提亮嘅效果喺塊面度，就等於純素顏一樣。

不過呢支作為妝前底霜，亦可以喺上粉底之前打底用，不過我暫時未試過，遲啲有機會試吓上完之後再上粉底，睇下個妝係唔係真係可以持久啲先。