b.glen

長效防曬水潤肌精華

多謝@Cosme嘅試用邀請 💕 今次試用嘅係：

b.glen 長效防曬水潤肌精華

好開心今次可以試用 b.glen 長效防曬水潤肌精華 💕平時睇日本美妝ig見到呢枝防曬好多好評，話有齊防曬同精華成份，已經對佢好有興趣，估唔到今次就抽中咗我試用🥰試用咗第一日已經覺得個效果好靚，keep住一路用咗一排，去拜年個時個妝都水潤咗😆
由於我本來皮膚比較容易出雀斑，所以基本上我每日都離唔開防曬。試過好多隻防曬都好易會泛白或者起擦紙膠碎，再上妝簡直係惡夢🥲而呢一枝防曬完全冇呢個問題，就咁簡單噴咗保濕水再搽埋呢個防曬就已經好夠潤，對極度乾皮膚嘅我都好friendly😌果然對得住個精華成分
防曬嘅質地好輕盈，好容易推開，搽完個感覺都好透薄，一啲都唔會覺得好厚重。平時好多高spf嘅防曬出嚟嘅效果都會比較油膩同黏笠，再上妝就會成面油光。但係呢枝防曬係可以當埋base咁用，再上妝會變成好貼服嘅妝感🥹🥹
唔化妝個幾日，我就會簡單搽完防曬再薄薄上一層蜜粉。試用期間嘅天氣都好反覆，有幾日真係好熱好潮濕。開頭都驚佢咁高spf會唔會好焗好黏，好驚會起粒粒🥲 但係估唔到呢枝防曬都仲好keep到清爽，唔會油笠笠😌 一定會回購呀！ 💕