NIVEA

LUMINOUS630雙效淡斑煥白抗曬修護日乳 SPF50 PA+++

多謝@cosme 抽中我試用Nivea Luminous 630 雙效淡斑煥白抗曬修護日乳

同同系列嘅淡斑精華好相似，一樣無流動性嘅蝦肉色乳液質地。因為防曬要用足夠嘅量，所以一支50ml防曬，基本上一個月就會用完。好多平價防曬用量大都有泛白同難推開嘅問題，但係呢支防曬修護日乳非常好推開，好容易就推均勻，而且完全無泛白問題。啱啱上面會有啲存在感，吸收左之後完全感覺唔到搽左防曬。

本人係敏感偏乾肌，夏天中性肌，試用左兩星期每日大概搽12個鐘都無敏感，亦無焗到生粒粒。有一定保濕度，可以搽少一層乳液，但係質地好清爽，後續化妝都唔會浮粉同起擦子膠碎。

同系列淡斑精華同防曬一齊試用2星期，膚色係均勻左，暗瘡印少左，夏天無黑左仲白左，效果係幾滿意。因為我仲有十幾支防曬未用完，防曬用完暫時應該唔會回購住，不過呢支防曬我係鐘意嘅，如果要買防曬會優先考慮，而淡斑精華用完應該會回購。