NIVEA

LUMINOUS630雙效淡斑透白精華

多謝@cosme 選中我試用 Nivea Luminous 630 雙效淡斑精華
精華係蝦肉色，質地完全無流動性，不過好好推，好容易推勻全面，都算快吸收，完全唔 笠，適合夏天使用。

本人係敏感偏乾肌，好多美白精華用左都會有過敏嘅情況，而用左Luminous 淡斑精華兩個星期，完全無過敏，非常適合敏感肌，呢樣好值得讚！不過精華有幾濃嘅花香味， 唔係個個接受到。

試用左兩星期，可能我本身比較白，膚色均勻左，但係未到白左一個度。我本身無乜雀斑，所以去斑效果試唔到，不過我有2個痘印淡左好多，去痘印效果幾滿意。

無諗過平價嘅護膚品都有呢個效果，有啲 出乎意料既好用，性價比幾高，好適合夏天用。會繼續試用完一支，用完都無過敏情況嘅話，應該會回購。