CANMAKE TOKYO

月光提亮粉底

首先好感謝CANMAKE同@Cosume提供試用嘅機會😊今次試用嘅產品係CANMAKE嘅月光提亮粉底，有兩款色系，G01同G02。G01比較白，而G02就深少少色同比較黃嘅。今次主要會試用G01嘅~

整體評價：

方便程度：★★★★☆
貼服程度：★★★★☆
持久程度：★★☆☆☆

［包裝］
與以往CANMAKE包裝一樣，本商品都係整得好可愛~充滿少女感🥰而且與以往嘅商品不同，入面有一層擺放個粉撲，唔洗擔心會整污糟個粉撲~非常方便~

［上妝］
粉底嘅texture係比較膏狀嘅，有兩面，一邊係粉底，另外一邊係hightlight。使用方法係攞個粉撲由highlight面輕輕掃過去粉底嗰面，再輕輕拍上臉就得。因為喺膏狀嘅關係，上妝後溶落塊臉到，比較貼服~同埋水滴型嘅粉撲好容易使用，鼻側面d位置同眼下面嘅位置都容易處理到。輕輕塗抹一層就可以打造到好自然嘅妝容。此外，highlight唔會太多，啱啱好，令塊臉有好自然嘅光澤~可以慳返d時間上highlight😂

［持久度］

試用期間試過用此產品出街一日，可能正值春天潮濕天氣，而且自己係混合肌偏油性嘅，所以喺使用咗蜜粉嘅情況下，用咗成日有融融哋妝嘅feel。不過雖然融融哋妝，但係都keep到成個妝容，只係表面比較油。持久度比較差。不過都幾滿意佢可以維持都成日靚靚嘅妝容。


總結而言，整體使用係不錯，同埋可以快速上完妝就出街~而且個妝容真係好自然同埋有水光肌嘅效果。但係如果出去成日嘅話就未必會使用此產品，同埋唔推介油性肌嘅人使用，否則勁容易溶妝。嚟緊夏天就真係未必會用🥲不過冬天同埋乾燥嘅日子就會好推介😊可能遲d秋冬季嘅時候就會用多d😊